SUN微博：打橫嚟講：搣柴禿鷹黑影唔見咗

自上星期，監警會就去年八月中國副總理李克強訪港期間，警方濫用職權之暴行，作出調查報告，證明警務處長曾偉雄曾經「畀假口供」，廢噏「黑影論」，有妨礙新聞採訪自由的指控全部成立之後，那曾處長如喪家犬般龜縮至今，黑影無隻，不敢蒲頭站在鏡頭前向全港市民道歉，如斯一件無Q用、無誠信、無承擔之無膽匪類，還做「公安阿頭」，就只有比他更膽小如鼠無腰骨的上司——特首曾蔭權才愛徇私、包庇、豢養鷹犬，相信，新一屆的英明特首振英哥，以用人唯才和視民意為依歸選賢的原則下，如甩毛雞的廢柴，一定無得留低矣！

現代社會，講求和諧（大陸中央領導人咁話o架！必須要聽），各方各界管理層，要的，係「智慧型」精英，而非惡形惡相、無腦、樣衰之「有牌爛仔」；執法者，本來係維持社會秩序，彰顯公義，而非破壞民生安寧、講大話，與民為敵之鼠輩，這些連小學雞也懂的極輕微級世界核心價值，點解，會仲有啲甩毛雞唔明o架？

全城怒插嗰隻禿鷹，真係無錯嘅！除咗唔敢出嚟面對群眾之外，仲搞到李副訪港一事，成為國際大醜聞，叫阿爺冇面，及我們中國同胞外遊都有機會被人歧視恥笑，連買手袋都無送「電視框」（discount之普通話發音），取poor guy（要用普通話唸出）就係件禿鷹，累人累物。

嗱！呢單審核警隊濫權嘅嘢未完o架！無故粗暴抬走「六四男」和「幽禁」港大學生，都應向市民道歉呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：陳光誠月黑高飛

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot