本報喺○九年獨家踢爆白鴿黨立法會議員黃成智因為以「無牌社工」身份，虛報自己係註冊社工參選二○○八年立法會選舉，最後被社會工作者註冊局停牌半年。
黃成智個停牌期由舊年三月底起執行，原本到舊年九月底就停完，但註冊局上個禮拜先通知畀佢續番一年期。佢就話因為之前搞區議會選舉好繁忙，早兩個月先得閒申請番個註冊，終於有番呢個專業資格。
嚟緊又有新一屆立法會選舉，佢就話未諗係咪用註冊社工身份參選，又話呢個身份只係凸顯佢專業資格，用唔用都唔重要，有需要先同市民交代喎。
黃成智終於做番有牌社工。（資料圖片）
