SUN熱辣：地下屠場病豬製黑心肉

內地不時揭發有地下工場將病死豬製成臘肉出售，而深圳亦曾出現不法屠場將病死豬隻經雙氧水漂白後出售。本港鮮肉批發界人士認為，內地屢有發生用豬肉製成黑心食品問題，除了因不法商人見利忘義外，亦因內地對農場出售豬隻的監管不足所致。

私人屠場無王管

鮮肉大聯盟副會長關國華表示，內地並沒有強制性的中央屠場制度，對農場出售豬隻缺乏監管，因此不少病死豬能流入地下屠場，令豬肉食品問題叢生：「內地唔多理農場將啲豬賣去邊，而中央屠場收費又貴，所以有農場會將問題豬隻賣畀私人屠場，啲屠場咩監管都冇，所以咪有咁多毒豬肉嘅問題。」

本港豬農於出售豬隻時，豬隻都須經過驗尿等程序，再由中央屠場宰殺，因此食品安全得到保障。另外，一旦豬農發現出現病死豬，須向漁護署通告，否則隨時失去牌照。關國華說：「香港管理好嚴厲，加上牌照咁貴，所以啲豬農唔敢做犯法嘢。」