SUN微博：打橫嚟講：現實世界中虛假的勝利

那被喻為扼殺港人言論自由的「網絡23條」之《版權（修訂）條例草案》，在民建聯和自由黨「建議」政府押後二讀後，窩囊局長蘇錦樑即時跪地，宣布延期三至四星期後再恢復二讀！

喂！各位反對此惡法的戰士們，咪以為今趟的「勝利」，是因有建制派支持呀！咪以為佢哋有聽民意怒吼而轉死性呀！

只不過係有議員大舊同毓民喺立法會裏面玩拉布，呢班建制派怕議會流程過長，阻礙佢哋支持通過梁振英的五司十四局的動議咋！

三、四個禮拜後，相信，唔會仲有今劑咁好彩的了！你哋更咪以為民建聯和自由黨等會怕影響九月選情，到時再撐你們的訴求呀！跟奴性相比，你們的力量，實在太渺小了！

同樣，講到利益，也會令人露出無知一面，漠視廣大市民集體福祉，只顧自己眼前的得益，兼歪曲事理。

報載，國際唱片業協會（香港會）總裁馮添枝得悉草案可能押後，佢表示失望並問：「創作權係人權，唔通原創者嘅人權係無，而二次創作嘅人就有人權？講唔通喎！」

喂！你唔識嘢，我就話清楚你聽，現有法律，已十分保障原創者，可用「民事」去告侵權的人，告到佢破產甩褲都得，但家陣政府卻借意隨便用「刑事」拉人，將你哋見錢開眼的無知作籌碼，變成政治手榴彈去對付手無寸鐵的平民呀！傻仔！

唉！今日香港，實在太多低能兒！點搞？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：陳光誠月黑高飛

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot