政壇：政商定格：法巴郭小菱大肚全紀錄
法巴上市衍生產品部董事Shirley郭小菱嘅預產期喺五月中，佢好幸福咁話老公Tommy到時除咗陪入產房見證「愛情結晶」出世之外，仲會親手剪臍帶添！不過跟住佢又笑言：「我聽啲朋友講，話BB臍帶都幾難剪，所以第一剪都會由醫生操刀，第二剪先留番畀Tommy！」
五月中好近母親節，BB女喺五月中出世，唔知趕唔趕得切慶祝母親節？Shirley話希望幫BB紀錄晒成長過程，依家佢會定期自拍大肚照。Shirley仲透露已幫B女改咗英文名叫Maya，中文翻譯就係「瑪雅」。唔通因為囡囡喺五月，即係May出世？佢話：「以前我讀書時，有個3D嘅電腦軟件就係叫做Maya，嗰時我已經好鍾意呢個英文字啦。」真係估佢唔到。
郭小菱嘅自拍大肚照，係咪好SWEET呢？