政壇：李嘉誠基金會邀市民票選愛港方程式
李嘉誠基金會宣布第三回合嘅「Love Ideas, Love HK集思公益計劃」今日正式啟動，繼續鼓勵香港人發揮創意構思方案，以自己嘅方式去愛香港同關心社區。今個回合會以「香港核心價值」嘅自由、公平與關懷作為廣告主題，仲設立咗選舉平台方便市民以「一人一票」形式，投選大家支持嘅「愛港方程式」。
「Love Ideas, Love HK集思公益計劃」係李嘉誠基金會撥款三億元策劃嘅「香港仁 愛香港」公益行動其中一項活動，繼計劃第一回合「香港城市風貌」及第二回合嘅「香港集體回憶」取得社會大眾廣泛關注，並累積逾一百三十萬市民嘅網上同電話投票支持後，乘勢推出第三回合，邀請全港市民由今日起至二十三日，到計劃嘅網站www.loveideas.hk申請資助。
