SUN世代：律師改行揸機 留住幸福

「幫人記錄人生中最重要嘅日子，好有意義。」原為律師的曾學銘 （Philip），因着這個使命，及不甘生命中只有一種事業，選擇告別十年的律師生涯，跳進婚禮攝影界。當結婚音樂響起，身穿白色婚紗、手執花球的美麗新娘子緩緩步進，與新郎四目交投，兩人情濃滿瀉，許下「我願意」這個一生一世的承諾，他就用雙手捧着相機按下快門，捕捉每分每秒動人時刻，將幸福感變成永恒。

Philip 對攝影的愛好，始於初中時代：「嗰陣攞爸爸部手動相機去影相，當年仲係菲林年代，啲相影出嚟係咩效果你係完全估計唔到，好有驚喜。」從此「捕捉影像」成了他最大的樂趣，中六時他和同學成立「聯校攝影學會」，與其他學校的學生齊齊努力鑽研攝影技術。

雖然醉心攝影，但Philip只視之為興趣。出身於名校的他，中七畢業後考上法律系，當了律師好幾年，發展順利，他卻不想生命只有一種事業：「雖然做到成績，但做咗咁多年都夠，希望有新發展。」於是，他開始尋找新路向，決意要跳出框框。

從新人笑容感受滿足

對攝影熱愛的潛因子浮出，他決定將夢想付諸實行：「冇人知道自己條命有幾長，但起碼我有試過做自己想做嘅嘢。」剛開始時，他只是業餘性質涉足攝影，周一至周五繼續當律師，周六、日就拿起相機。

即使只是小試牛刀，他卻能從新人的笑容中，感受到莫大的滿足感，他坦言雖然當時工作排得密密麻麻，攝影的收入亦不多，但樂在其中。努力總有回報，靠着口碑，Philip 的攝影工作愈來愈繁重，在分身不暇的情況下，○九年他決定放棄當律師，成為全職攝影師。

對Philip 來說，最美的背景都只是陪襯，最重要的，還是一對新人：「攝影師係有責任將人最靚嘅一面發掘出嚟。」他最大的滿足感，是能令新人滿意又感動：「試過有一次個新娘睇番自己結婚相嘅slideshow （幻燈片），佢本身一路睇一路笑，睇睇吓就開始喊，最後仲喊到收唔到聲。」

好的照片，確實能夠打動人心，還能留住美好記憶：「另外有位新娘，佢auntie 專登喺外國飛過嚟參加婚禮，佢睇住新娘大，兩個感情好好。嗰晚係即晚派相，auntie 覺得張排相影得好好，係咁多謝我，因為對佢嚟講，除咗係一個好好嘅回憶，佢仲可以攞張相返去畀其他親戚睇。」

現時Philip的攝影工作已上軌道，還多次獲獎。能夠寓工作於娛樂，他自認是個幸運兒：「就算我今日畀車撞死，我人生都冇遺憾。」無悔一生，只因肯勇敢追夢，如今Philip 已視攝影師為終身職業，就讓他繼續用雙手，為更多新人留下溫馨又甜密的動人回憶。

Philip's Profile

學歷：

香港大學法律系學士及碩士，法律專業文憑

職業：

攝影師，安穎創建有限公司董事

公職 （部分）：

香港律師會會員，香港仲裁司學會會員，國際藝術婚禮攝影師協會會員