SUN微博：Sun畸事：總統的煩惱

中環某五星酒店的露天茶座。

鬍鬚曾巧遇成副生意失敗樣嘅曾兄弟煲呔曾。鬍鬚曾心中興奮之情難掩，輕輕鬆鬆走近，更不自覺吹起口哨來。

煲呔曾一聽哨聲，想起跟五年前成功連任特首時一樣，猛然一怔。

鬍鬚曾：乜咁煩呀？

煲呔曾見原來是曾小弟，前塵往事，頂到上心口。

煲呔曾：你就好啦，有得冧莊做財爺，又五年歎盡海陸空，大哥我得返兩個月，世界太大時間太少，我仲度緊去邊度玩好呀！

鬍鬚曾：你無官一身輕，之前又刮落唔少，夠晒你去瓦努阿圖做酋長啦！

煲呔曾：你玩嘢呀？我嘅志願係做總統，唔係酋長！

鬍鬚曾：話就唔係咁講呀，總統要一人一票選出嚟，酋長搵陳啟泰都搞掂！不過唔使擔心，小弟如今冧莊，不如咁喇，等我一人一票開個總統位等你過吓癮啦。

煲呔曾：真係感動呀！今次大佬玩完鳥，細佬你竟然大難臨頭無各自飛，果然係真兄弟。係呢，係乜總統呢喂？

鬍鬚曾：大哥，見係你咋，畀條戲院里你做揸Fit人，做其擦鞋大總統！我日日嚟幫襯又點話。

（花生友如有對號入座，請食自己）