政壇：政商定格：水晶教主靈感源自貪靚
近年熱爆潮界嘅英國女富豪Lady Tina Green，挾時尚名牌TOPSHOP老闆娘之名，替友人以水晶豪裝超級遊艇，無心插柳，竟然獲法國國寶級水晶品牌LALIQUE睇中，開創一條家居系列路線，喺中環開設亞洲首間家居陳設專門店，任佢打骰，佢日前仲教港人豪裝百萬水晶屋添！
如果想將Tina精心設計嘅飯廳搬回家，要花費逾二百萬元。事關佢出名要求高，木材嚴選製造帆船嘅非洲木；每粒水晶都係由法國工匠打磨製造；木工、噴漆就非意大利工匠不用。難以想像，這位設計奇才，原來沒受過學院正統訓練，創作靈感不絕，全因天生貪靚。
LALIQUE亞洲常務董事Thomas李少傑話家具矜貴之處，在於每件均附有「出世紙」同工匠簽名，部分傢俬更係限量版。
