政壇：搞搞政：波波搵立會接班人
外界盛傳「挺梁」嘅立法會會計界議員「波波」陳茂波有機會加入政府，但佢好口密，既冇承認亦冇否認，淨係話依家唔敢評論。但如果佢真係加入政府，就要搵人填佢個會計界議席。
上次立法會選舉，波波嘅對手有會計師龔耀輝等，嚟緊九月選舉有傳泛民主派嘅梁繼昌，同埋特首選委「A16聯盟」嘅劉麥嘉軒都有意爭奪會計界議席，所以隨時出現三至四人大混戰，要當選唔係咁容易嘅事。
據聞波波已密密搵接班人，而理想人選可能係同樣「挺梁」、喺舊年選委會會計界組別選舉中，以三千幾票高票當選嘅林智遠，佢得票僅次於「票王」李家祥，所以佢接替波波出選立會會計界嘅話，相信有一定票源，加上泛民喺界別一向得四成票，而劉麥嘉軒喺特首選舉中押錯注支持唐唐，所以林智遠都好大機會可以力壓對手。
設計圖片及對白