SUN微博：打橫嚟講：跟含恨的曾蔭權算舊數

本來中央有令，內地傳媒不得月旦香港政事，免卻大陸官員說三道四干擾香港內部事務。怎知，多份國內報章也忍不住頸，寧願犯禁，也「指控」香港第一大貪官曾蔭權借特首身份外訪，豪花香港人血汗金錢，玩盡最後兩個月。吖！外國傳媒亦有同樣報道，真叫香港有件咁嘅契弟高層而羞恥。

細睇此賤精曾當官四十多年來的工作紀錄，得一項有成績見人，佢唯一成日高喊自己在金融危機中打大鱷有功，呃賣菜婆仔都唔得啦！

全香港係人都知，嗰次只因為大鱷們在俄羅斯失手而散水，遂令香港避咗一劫，否則，因曾蔭權貪威而亂咁下重注，家陣，香港仲窮過阿努瓦圖也！佢老味，仲敢歸功自己！真狗！

呢件契弟，香港人高薪豢養佢四十載，乜叉貢獻都無，做特首後，除超標出訪豪玩外，不見得幫過中央解決香港內部問題：《二十三條》無着落；「雙非孕婦」係振英哥一錘定音的；「政改」又大大鑊未解決；「新界屋僭建」將會有血濺家園的暴亂；民生的「地鐵」問題，只有加無減；「領匯」、「公屋」、「生果金」、「最低工資」或「強積金」，只要一講，總係天怒人怨；連人死後的「骨灰龕」都無人監管。大事一鑊泡，小事亦辦不來，街邊的電訊公司，放數貴利的「易拉架」阻街塞路，更是無王管。就算「剩女」出場都搞唔掂啦！真叫成日去咗豪貪的煲呔含恨吧！食蕉啦你！

彭志銘

次文化考古學家，對城中潮語有深入研究，博徵博引，廢官廢人行埋一邊。