佛誕當日，身為虔誠佛教徒嘅百仁基金主席Jaime施榮忻，本來諗住同太太Jaymee去紅館參拜佛頂骨舍利，點知老婆忽然作動唔舒服，要傍晚入院，醫生話生得嘞，要急急開刀。BB喺晚上九點出世，重七磅，精靈可愛，一雙大耳朵似足媽媽Jaymee，大鼻同大口就似足爸爸。BB預產期本來係五月三日，點知突然搶閘出世，認真與佛有緣。
爺爺施子清為男孫取名施湧濤，希望佢機智勇敢，前程如汪洋大海般廣闊。至於英文名，Jaymee就鍾意叫Torres喎！
施榮忻（中）同太太Jaymee（右），為BB取洋名Torres。（被訪者提供）
