政壇：一提貪腐黃錢其濂慶爆
有「政壇鳳凰女」之稱嘅前高官、立法局議員黃錢其濂，尋日出席一個活動時大談即將出新書，本來都好哋哋，但一講到下屆政府要注意廉潔時，佢即刻嬲到彈起，對現時貪污腐敗嘅風氣好睇唔過眼。
佢話當年自己做高官，廉潔呢條底線絕對唔可以破壞，因為當年政府奉行高薪養廉，如果咁都仲要貪，真係好可惡。佢仲提到當年自己外訪，唔會住乜嘢總統套房，盡量慳得就慳，費時畀市民感覺係高官貪到盡。佢咁講，雖然冇指名道姓，但好明顯係講緊煲呔曾，不滿現時有人做盡當年高官做唔出嘅事囉。
其實當年港英政府都冇規定高官外訪要住乜嘢規格酒店，但黃錢其濂就識從市民角度諗，唔似得煲呔曾咁，斷正後仲要扮無嘢，將所有責任推落市民，話係公眾期望過高。原來過咗二十年，世界進步緊，但煲呔曾就不進則退，好心佢閂埋門檢討吓啦。
黃錢其濂