長洲尋日舉行一年一度嘅太平清醮活動，好多市民都搭船入去睇會景巡遊、搶包山，城中富豪趙世曾女兒趙式芝都有去趁墟，不過，佢唔係搭船，而係揸直升機入去，仲圍繞長洲上空兜咗一圈，鳥瞰慶祝活動，佢話喺直升機上睇長洲島上人頭湧湧，真係好熱鬧呀！
攞咗直升機牌三年嘅趙式芝經常喺周末揸機遨遊，尋日既係佛誕，長洲又有太平清醮嘅巡遊、搶包山等活動，趙式芝都心癢癢，揸直升機繞長洲一圈，仲欣賞搶包山現場。飛前準備時，趙式芝顯得好細緻、全心投入，直到飛完返嚟至放鬆啲。
趙式芝尋日專登揸直升機去長洲趁熱鬧。
