政壇：劉國勳老婆 吼文化局政助
特首選舉期間，北區區議員劉國勳力撐候任特首梁振英（CY），結果選舉之後盛傳佢會加入政府，不過最近有風話劉國勳入政府嘅意願唔高，反而佢老婆就想申請加入新設立嘅文化局做政治助理。喺演藝學院畢業嘅劉太呂迪明（Casta），一向對文化事業好熱心，仲曾經幫CY唱過競選歌添，成事機會唔細。
據了解，身為區議會選舉「票王」嘅劉國勳地區實力夠厚，佢本人同所屬嘅建仔都唔想佢入政府，以免好似前南區區議員陳岳鵬辭職加盟特首辦咁，得失晒班選民。至於Casta，喺演藝學院畢業後，喺梨木樹做咗幾年地區工作，去年區議會選舉高票落敗，不過已經累積到一定服務經驗，同市民溝通可以話駕輕就熟。
劉太呂迪明（Casta）