SUN微博：o翕乜論嘢：〔認真〕其實曾嚼士有乜吾好？？？

To Sun微博Admin﹕

是咁的　小弟都係Sun微博巴打，我留意左你地巧耐，D改圖、改歌巧抵死…值得一讚…（Admin按：蝙蝠所限，下刪一千字讚美）雖然，曾嚼士係萬能Key，數佢玩佢其實好Q易。利申﹕我都成日做花生友（詳見A8《Sun奇古怪》），不過要客觀D囉，唔好係又Hi，唔係又Hi先得。好似曾嚼士住總統套房咁，你哋又插一餐，我真的憤怒鳥，所以特登開post，希望admin唔會河蟹我：）

喂，假假地曾凸首係嚼士黎呀，真嚼士果隻ar，你估係硬膠網民劉嚼士ar（你地可能吾記得左呢個紅人），個嚼士銜係用幾舊水買ga，仲話係非洲嘅英聯邦國家古巴tim！（Admin按﹕古巴喺非洲咩？）曾嚼士吾住總統套房咪好失禮？你又吾睇下花旗國黑仔「腫痛」，人工夠曾凸首高咩？黑仔夠住五星級腫痛套房啦，曾嚼士吾住咪好冇face？

曾嚼士話明有「需要」先住腫痛套房je，成人野吾洗向你地膠袋呀？吾通要佢住埋Ｄ污糟邋遢時鐘酒店惹埋愛滋再傳比七百萬港人好吾好？

其實曾嚼士成日做錯野比你地鬧，好大壓力嫁！依家乜野咁大件事je，去澳門外家你話佢濠遊，食軟飯。去惠州又話人坐「空軍一號」…去美洲又話人嘥錢。好喇！同江湖人合照食飯，你又寸佢好似黑社會大佬，叫佢做古惑權，同總統政要合照je，你又話佢「集郵」（集郵都吾搵賴斯啦，陰功）。不如叫曾嚼士吾巧出街，困佢兩公婆o係唐唐地下室禁室培慾巧吾巧？

吾巧吾記得，曾嚼士一早話「我會做好呢份工」、「玩鋪勁」，講明當凸首係打工咋，唔係乜「向左走向右走」服務社會ar！出Trip吾洗阿公，傻的嗎？

鬧都算la，吾洗聲大大下下去到咁盡ar？我有個醫生巴打講個秘密我聽，依度講依度散，曾嚼士有乜鬼長QT綜合症，無錯，呢個怪病哩，聽講話鬧鐘大聲D都嚇死人ge，依家你地成日咁大聲鬧佢，係咪想佢嚇死異鄉搵山拜先？嚇死佢咪又要搵柳州木益鬼左佢，大拿拿幾百萬都吾奇架，到時咪仲嘥公帑！！！

「中環聞腳腫痛」曾嚼士萬歲！

維園停風（IP：1999）

注意﹕本微博安裝了膠燈過濾軟件，凡粗口字都會過濾成「Hi」同「向左走向右走」等等。