政壇：政商定格：佳兆業郭英成「夜總會」OT
內地政府多次表明唔會放鬆樓市嘅調控力度，令到好多城市樓宇買賣少咗，但咪以為內地發展商因此而得閒咗，反而要更加努力去諗計促銷。好似由郭英成做主席嘅佳兆業咁，佢哋嘅中層管理人員話除咗晚晚加班外，仲要晚晚去「夜總會」。
咪以為佢哋好風流去夜總會，其實係各部門嘅阿頭好鍾意夜晚開會，惟有苦中作樂叫呢啲會做「夜總會」。
除「夜總會」外，佢哋話仲要日日「白加黑」，個個禮拜「六加一」。所謂「白加黑」係內地依家嘅用語「白天加黑夜」，即係做到天昏地暗唔收得工。「六加一」就係六個工作天再有一日加班。不過，唔係個個咁榮幸可以七日無休，通常都係管理層先咁做。
班管理層咁搏命做，郭英成應該好開心喇！（資料圖片）