政壇：搞搞政：龐愛蘭學CY 搵型囝吸票
喺早前嘅特首選舉期間，CY梁振英不時帶同喺外國讀緊博士學位嘅囝囝梁傳昕出嚟拉票，由於傳昕高大有型，效果出奇咁好，搞到有意參加立法會新界東直選嘅沙田區議員龐愛蘭都抄橋，諗住帶埋囝囝出嚟拉票，希望吸到多啲「粉絲」喎！
佢個仔今年十九歲，現喺澳洲讀緊醫科一年級，個仔高大，樣貌都幾討好，如果佢九月肯返港幫媽咪拉票，效果一定唔差。但佢笑言除非幫阿仔買晒機票，加埋軟硬兼施氹阿仔，否則唔使旨意喎。
做咗多年禁毒工作嘅佢，都識落唔少青少年，個個都外表四正，如果全部出嚟幫手，或者對選情有幫助。佢被指同代表建仔出選新界東嘅EQ葛珮帆形象相似，EQ近日專攻女性議題，早排仲大講「盛女」，如果兩人都順利參選，隨時會出現靚仔鬥盛女局面。
設計圖片及對白