政壇：政商定格：梁高美懿自言「何德何能」
恒生銀行副董事長兼行政總裁梁高美懿早前決定退休後，政圈就有傳佢可能係新一任財政司司長嘅人選，梁太過去一直冇正面回答，尋日卻一改態度曖昧嘅講法，自言「何德何能」，又話對於幾十年來返朝九晚五嘅工作已經足夠，莫非佢想暗示自己唔做官？
星期日都有出席梁振英選舉答謝會嘅梁太，今年六月就六十歲，將正式退休離開恒生，佢話退休後會去吓旅行喎。問到七月新政府上場後，會否喺新政府總部見到佢時，梁太疑似語帶雙關話可能會，但旋即又話，可以因為公職出入政府。睇嚟梁太即使唔做官，做公職嘅機會都好大。
梁高美懿話已經過夠朝九晚五嘅生活。