政壇：政商定格：CY老董香港會所政商飯局
候任特首梁振英正在組班，全國政協副主席董建華又密密同政圈中人密聚，尋日中午約十二點二十分，兩大敏感人物前後腳抵達中環香港會所，再加埋財經事務及庫務局局長陳家強、商務及經濟發展局常秘黃灝玄、滙豐銀行亞太區行政總裁王冬勝等人相繼出現，唔通係另一個大和解活動？
CY逗留約一小時後微笑步出，無回答任何問題就登上座駕離去。近二時許，其他敏感人物陸續行出香港會所門口，陳家強同黃灝玄離開時表現得好閃縮，董建華就喺二時二十分就留低聲Bye Bye由側門離開。
其實，尋日現身香港會所嘅仲有挺梁嘅立法會議員陳茂波、前中大校長劉遵義、自由黨榮譽主席田北俊、啱啱卸任嘅前港交所主席夏佳理等，但個個都話唔係見CY喎！
梁振英尋日午飯時間現身香港會所，但離開時無回應任何問題。
陳家強
王冬勝
董建華