SUN熱辣：單車老鼠肆虐 拆骨北上銷贓

【專案組報道】「皮幾嘢架單車，入一入廁所就無咗！」貴價單車有價有市，單車老鼠睇準機會落手，以往車主還可以抱一絲希望，於本地單車零件網站中，找回愛驅屍骸。但隨着人民幣升值及內地對貴價單車需求日增，被偷單車隨時落入內地黑市單車市場，甚至被人化整為零，分散於各省市出售，尋回的機會渺茫。本報直擊深圳一個黑市單車市場，每日即偷即運走，更將黑市單車分拆轉售至其他地區，估計黑市販賣網絡已覆蓋整個廣東省。

根據警方數字顯示，二○一○年本港偷單車數字是一千零三宗，但於二○一一年，數字已增至一千一百六十九宗，升幅逾一成半。更嚴重的是，這批被偷的單車，不乏身價過萬元的名貴貨。早前就有一名單車發燒友在中環踏單車期間，人有三急入公廁小解，將車泊在門外，兩分鐘後出來，價值一萬五千多元的單車，已消失得無影無蹤。

「近排好多畀人偷嘅都係專業單車，唔係公路單車就係爬山單車。」一名知情人士估計，這些單車老鼠對單車種類頗有認識，而且有一定技術，專揀一些高質素的單車落手，對賊贓出貨方法亦瞭如指掌。

本港有數個單車零件拍賣網站，向是單車發燒友搵配件的勝地，不過同時亦是賊贓集中營。單車老鼠會將偷來的單車化整為零，在網站上逐件出售。「成架單車賣，車主一眼就認出嚟，而且好多靚單車車身圖案獨特，如果重新再噴色又唔值錢，佢哋（單車老鼠）就算賣平啲，都要將佢拆散賣。」知情人士說。

歐洲名牌車內地新寵

隨着內地單車發燒友愈來愈多，賊贓單車已出現北移迹象。據了解，歐洲品牌的高級單車近年在內地甚受追捧，身價亦水漲船高，一般專業單車車價較香港高出兩成，若屬特別版或罕有版本，可高出四、五成，相對二手車收購價，相當不俗。「其實運一架半架車返內地真係話都冇咁易，自己推過境話係返內地玩，一般都無乜問題，賣畀啲單車舖又或者透過黑市市場拆散賣，利潤高過香港唔少，畀人揭發嘅風險都低啲。」

記者更到深圳一個黑市單車市場，直擊其運作流程，該黑巿單車巿場位於洪湖立交橋一條隧道，每日下午五時起，陸續聚集起一批人，他們每人停泊一至兩部單車擺賣。在二十多部等售單車中，大部分均屬平價款式，不過當中亦夾雜一兩部名貴的Fixed Gear無煞掣單車，索價僅數百元至一千元人民幣。記者聲稱希望找一部高級公路車，對方即說：「呢啲貨好少，咁啱撞到咪有囉，你自己走多兩轉碰吓運氣喇！」

「早上偷，下午賣」

據知情人士透露，這些單車大部分都是「早上偷，下午賣」的賊贓，雖然大部分是平貨，不過偶有少量靚貨出售，故此吸引不少單車「買手」執平貨，再轉售至廣東省其他地方。知情人士透露：「呢處收購價好低，如果喺香港走過嚟放，一定唔會嚟呢度，有門路嘅人，寧願去單車專門店放售仲好價。」

香港單車聯會執委陳志強表示，過往亦有車主被偷單車後，在深圳二手單車店尋回。「好難搵得番，都有試過搵到，不過車主咪一樣要用錢買番，報警都無用，公安話證明唔到架單車係佢嘅。」他指，由於單車價值頗高，惟有靠車主一眼關七，寸步不離。