政壇:老董密會唐唐大和解?
特首選舉搞到香港風起雲湧,雖然現已告一段落,但建制派之間嘅矛盾仲有排都搞唔掂。不過,希望大和解嘅何止候任特首梁振英(CY)一個,我哋尋日就見到盛傳支持CY嘅全國政協副主席董建華,與落選咗嘅唐英年同佢嘅兩位忠堅支持者,前後腳走入一間酒店,唔通係「大和解」壓軸篇?
粵劇名伶白雪仙尋晚喺灣仔一間酒店慶祝八十四歲大壽,到晚上七點許,董建華、唐英年夫婦、前金管局總裁任志剛夫婦,以及前財政司司長梁錦松夫婦分頭到場,唔通係為仙姐賀壽?不過我哋問過出席壽宴人士,就聲稱宴會上冇見過老董同唐唐喎!
眾所周知,董建華係一位「老好人」,做乜都興講「以和為貴」,身為國家領導人嘅佢,突然同唐唐及佢嘅重量級支持者同場現身,唔通係想傳達中央指示,希望大家放下成見、一心一意為香港籌謀?
唐唐同董建華前後腳現身酒店,同場仲有任志剛夫婦同梁錦松夫婦。
董建華