政壇：政商定格：阿Paul睇好羅詠詩立會接棒
九月立法會選舉消息滿天飛，旅遊界立法會議員謝偉俊（Paul）尋日透露，佢嚟緊九月出戰九龍東直選已成定局，現時旅遊界嘅議席都要搵接班人，佢仲睇好香港青年聯會賢慧社主席羅詠詩（Anthea），叫佢諗諗接棒喎！
Anthea尋日同七位姊妹應阿Paul邀請參觀立法會新大樓，順道去宴會廳食晏。午宴嗰陣阿Paul大讚Anthea做事既勤力又上心，仲話如果Anthea決定參選，佢一定會全力協助，暗示會將自己嘅旅遊界票源過畀Anthea。依家幫爸爸經營精品酒店嘅Anthea，傑作之一就係油麻地間「M酒店」，話佢係旅遊界嘅生力軍都冇錯。
青聯賢慧社八位姊妹尋日參觀立法會新大樓，由阿Paul做導賞員，右五為羅詠詩。