政壇：仁愛堂新主席手機征珠峰
每年四月係慈善機構換屆月，尋日輪到仁愛堂舉行就職禮，新一屆主席係深水埗區議會副主席黃達東（Dennis），交棒嘅卸任主席蔡黃玲玲就話，卸任後要專注發展自己嘅慈善基金；而蔡太囡囡蔡珍妮（Elina）今屆亦退任總理。上一屆董事局籌款近七千萬元，Dennis就話，講錢都要講心，最緊要堅守「環保」同埋「創新」兩大原則喎。
Dennis尋日又話，要帶大家由香港行去珠穆朗瑪峰，好多人一聽都打咗個突，原來佢講緊一個智能手機遊戲，Dennis解釋，呢個遊戲係配合宣傳仁愛堂嚟緊嘅學生環保考察團，大家可透過遊戲紀錄每日步行嘅時間，就可以模擬自己由香港遠征珠峰嘅情況，佢大讚遊戲好好玩添。
黃達東（右）擔任新一屆主席，蔡黃玲玲（左）都戥佢開心。