政壇：政商定格：膳心連善舉傳英國星洲
首創將新鮮剩餘食物送畀貧困人士嘅膳心連基金（Foodlink）日前舉行酒會，城中政商名人同酒店食肆代表雲集，氣氛好熱鬧。創辦人黃林碧瑢開心得不得了，仲出動三個擔任基金執行董事嘅寶貝千金蕊蘋、巧芸同采笛幫手。
黃太為咗呢個活動十年嚟默默耕耘，初期備受質疑，結果連英國前首相貝理雅太太同新加坡都邀請佢將善舉複製到當地添！黃太話，膳心連已獲四十一間城中知名酒店同食肆提供剩餘食物，每個月將逾八千公斤剩餘食物運送到貧困嘅家庭同團體手中，提供逾八千八百餐膳食，令更多人得到溫飽。佢好感謝挺身支持佢嘅奶奶，即係陽明山莊創辦人黃週旋嘅太太。
黃家三姊妹力撐媽咪實現理想。左起三女采笛、大女蕊蘋及次女巧芸。
黃林碧瑢（左四）為善積德，台北經濟文化辦事處處長朱曦（左三）等台灣幫拉隊撐場。