政壇:搞搞政:龐愛蘭入公記出戰新東

立法會九月舉行換屆選舉,政黨同政治團體忙住排陣出擊,政圈嘅離離合合亦緊密上演,一直盛傳會以沙田地區組織公民力量(公記)名義出選新界東嘅沙田區議員龐愛蘭(Scarlett),日前就正式加入公記,尋日更坦然承認正極之積極參選。

有傳廠商會立法會議員林大輝亦有意同佢爭過,依家佢嫁入公記嘅事明朗化,咁係唔係喺公記爭奪戰中贏咗大輝呢?Scarlett強調乜都唔知,話只會做好自己事喎。一向主打專業同中產形象嘅Scarlett強調,其實佢過去多年都做過好多基層、年輕人同婦女事宜,總之就係全方位都有做啦。

新界東今屆選情混亂,聞說Scarlett照抄九龍西梁美芬模式,得到中聯辦支持。Scarlett話近日正接觸唔同團體同社區組織望爭取支持,其中一個主要目標係新界東嘅獨立區議員,只要有一日佢覺得有足夠支持,到時就一定會參選咁話。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

設計圖片及對白