政壇：葉劉使十萬爭曝光勁抵
特首選舉結束快一個月，根據法例，相關人士都要交選舉開支申報畀選舉事務處，尋日就有兩位參選人交咗開支，分別係新民黨主席葉劉淑儀，同埋有「巴士阿叔」稱號的陳乙東，陳乙東申報開支係零，葉劉就用咗十萬蚊多少少。
葉劉喺提名前止步，佢份申報就顯示，「選舉工程」一共用咗十萬零八百六十三元四角，最大部分係「代理人及選舉助理之費用」，用咗七萬七千八百幾蚊，另一條大數係租金、辦公室開支同運輸費用，共用咗一萬三千幾蚊。睇番葉劉喺特首提名期前曝光率咁高，用咁少錢有咁好宣傳效果，認真抵到爛！