SUN微博：打橫嚟講：少理淫審處，掉你支筆啦！

有啲人，唔使佢開聲，又唔使佢做嘢，只要佢企定定喺你面前，不足三秒，你就知佢係廢柴庸才，香港政府官場內最多此類人，那個商務及經濟發展局局長蘇錦樑可作樣辦標本，唔信，可搵佢張相（目及）吓，不過，千祈唔好食飽至睇（此乃溫馨提示）。

唔明點解，《淫褻及不雅物品管制條例》會關「商經局」嘅事？又派這樣貌猥瑣的庸官處理？

有關《淫審條例》，搞了多年，不特止未解決、無進展，還愈搞愈出醜，嗱！○八年十月已經話作全面諮詢及檢討，直至今日，無謂謂的幾年，又點呢？連最基本的，也最必要的，即那個「淫褻及不雅的定義」都沒有定案，說不出「定義」的標準，咁！又點能夠再傾落去呀？老細！

由那個一上場就只懂派卡片謀着數的「貪官」，對文化哲學完全白癡的廢柴，去執行這個靠道德修養、美學知識、藝術修為和正義判斷的文化任務，開玩笑咩！筆都未識揸啦！

連最簡單的「藝術與色情」也分不出之外，竟卻放肆地「亂咁執法」，試過幾份報章刊登同一輯外國女星性感相，有報章要罰款，有報章只視作第一類物品，無事！如斯睇心情的人治模式，是一種政治打壓手法，直頭係立意針對個別傳媒之卑鄙手段，同《二十三條》無異。

今日話圖片淫褻，明日話文字不雅，而又不用攞證據，咁香港仲邊度有出版自由？言論自由？監察社會？最仆街的，係諮詢咗咁多年，個報告只建議提高罰款，及取消出版前送檢制度，你話佢哋幾賤吖！正死契弟！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：盛女唔怕做？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot