SUN微博：打橫嚟講：廢話，廢柴者言

呢件香港警務處處長曾偉雄愈來愈兇狠不講理外，還愛上講廢話，愈講愈廢。

早前，國務院副總理李克強訪港，警員無理用手遮擋記者鏡頭，曾處長喪噏「黑影論」，不單只廢到無朋友，還笑死街坊，娛樂大家。

前日，香港警方無很端端喺中聯辦正門那「多舊魚」的大花槽位置，又上映一齣「干預新聞採訪」的鬧劇，以「地方有限」，只准四間電視台「戙機」拍攝，其餘所有報章、電台記者，被安置到偏側二十幾呎嘅位置去「採訪」，事發現場的警員被記者插爆，遂死死氣知衰，返回正軌，讓記者正常工作採訪；可恨的！係有件半禿的柴頭，辯說只讓位電視台，是「因為（電視台有）大型器材，佔的空間大；二、他們不適合移動！」你哋話佢廢唔廢吖？佢仲屎忽管大腦的說：「封鎖唔係為阻記者採訪，而係要顧及公眾安全！」並廢柴講廢話：「如果你哋唔鍾意呢度（好遠的採訪區，可有權選擇（離開）！」你話佢個人幾鷹幾PK吖！

曾處長之惡形惡相對付傳媒，搞寸香港和諧氣氛，最冚家慘都係個煲呔，走Q咗去遊世界，令本地無王管咁，個個擸權自負，為所欲為。

警方唔發預警噴胡椒噴霧，又熄機唔畀傳媒監察政府，仲白癡到建議記者分三人一組或被安排去無雷公咁遠做採訪，不理《警察程序手冊》規定：「警務人員應特別讓攝記……站在有利位置。……並方便記者工作。」

要香港和諧發展，請振英哥閹走隻禿鷹先啦！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：樓市復活定係泡沫？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot