政壇：政商定格：李桂蘭：盛女宜學溫柔
為幫助受虐婦女，城中名媛上周六舉行「心蓮心」慈善晚宴，籌得逾二百萬元善款。
身為籌委會主席之一嘅李錦記新抱Mahnaz Lee深得奶奶愛錫，親自撐場，老公李惠雄同兒子Jason都嚟打氣。Adler珠寶老闆娘Patti何彭慧嫻都係搞手之一，佢出動五歲孫仔陳梓晉上台拉小提琴籌款。
「盛女」話題成為全城熱話，前滙豐私人銀行亞洲區行政總裁Monica王以智讚港女多才多藝，絕非「賣剩蔗」，佢呼籲姊妹將眼光放遠啲，努力學習新事物，唔一定要靠男人喎！李桂蘭就教「盛女」們放下自我，學會溫柔：「男人唔要女人太叻，柔情似水嘅女人，先最吸引！」
Mahnaz（左三）熱心公益，老公李惠雄（左一）、奶奶（左二）、兒子Jason（右一）同女友（右二）齊撐場。
陳正欣總理（左起）、李桂蘭、王以智同陳正欣太太，盛裝赴會。