政壇：搞搞政：唐唐中大開班教品酒？
唐唐喺特首選舉落敗後離港散心，何去何從備受政商界關注，估計佢不外乎係再度從政或重新打理家族生意。
港台商貿合作委員會主席嘅李大壯尋日開會後見記者，由於佢係挺唐嘅，問起知唔知唐唐有乜新動向，起初佢話唐唐喺選舉後需要時間休息同重整未來方向，但講講吓就突然爆料話，自己有好多飲酒嘅朋友，認為唐唐本身喺品酒方面好有天賦，加上中文大學有相關課程，所以佢話唐唐可以考慮試吓教人品酒喎！
最耐人尋味嘅係，李大壯最後仲加把口話，其實服務社會、作育英才都係可以做嘅事喎，莫非佢都贊成唐唐轉型做老師教人品酒？
