政壇：李啟良：去西藏勿致電老婆
IQ題：「點解去西藏公幹唔可以打電話畀老婆？」呢條問題其實係西藏5100水資源嘅財務總監李啟良問記者嘅。話說李啟良因工作關係，單係舊年經已出入西藏四十二次，係名副其實嘅半個西藏通。話晒西藏都算係「山旮旯」，打個電話畀太太報平安都好正常吖。
原來答案係同高海拔有關嘅，李啟良話因為西藏位處海拔成四千米咁高，空氣稀薄，我哋呢類生活喺海邊嘅香港人一定唔慣，傾電話講多兩句好容易「呵……呵……呵……」聲抖大氣，老婆即時誤會啦。又好似好合邏輯喎！
問藏水嘅管理層，社會咁動盪，會唔會影響盈利呢？佢哋話○八年嘅三月確實試過地區政治唔穩定，但近年西藏社會已平穩咗好多。雖然生產線嘅二百幾個員工有九成半都係藏族人，但係管理嘅團隊對藏族文化好熟悉同尊重。
李啟良