政壇：孫公捱到任期滿至退休
教育局局長孫明揚早前入院做小腸氣手術，休養兩星期後尋日復工，佢朝早返到政府總部時，聲稱身體幾好。問佢會唔會提早退休時，佢就話今屆政府任期只餘下兩個幾月，暗示會捱到六月底任期完結為止，可以講係帶病作戰到最後一分鐘。
孫公患有腎病要定期做腹膜透析，之前又唔好彩感染退伍軍人症桿菌，要入院治療，點知上月佢半夜三更喺屋企掛住睇球賽賽果，搞到跌傷右手導致骨裂，到尋日復工仍然包紮住；最近更加要入院做小腸氣手術添！
記得我哋年初搵術數師批過，話孫公喺龍年「洩氣」太重，應該提早退休，如今佢堅持做滿任期，究竟係佢有責任心抑或係緊張份約滿酬金呢？
孫明揚尋朝返政府總部復工，暗示自己唔會提早退休。