白鴿黨嘅立法會教育界議員張文光，好耐之前已講明會退位畀教協會長馮偉華接棒，點知佢未退位，九月又話要披甲上陣，轉戰直選，會去九龍西排名單第二位，力谷知名度較低嘅黃碧雲入局。白鴿黨要搵老將幫手谷票，黃碧雲嘅贏面有幾高，真係一清二楚喇。
黃碧雲首次喺西九出戰立會，若果張文排第二位，對選情有好大幫助。熟悉張文嘅人都知，佢係功能組別嘅長勝將軍，今次難得下海接受直選洗禮，或會一嘗落敗滋味，都算係一次過滿足兩個願望喇！