大車禍傷者恐失工作能力

【記者林永發報道】在西營盤東邊街致命車禍中身受重傷的裝修工人杜漢雄，現時仍留醫瑪麗醫院深切治療部，醫生估計他最少需留醫半年接受治療，康復後亦不能再提起重物，料將失去工作能力。鑑於阿雄乃家中經濟支柱，東華三院透過東方日報慈善基金向傷者撥出二萬元緊急援助金，以助杜家解決眼前困境。

「醫生話佢全身都傷晒，最少要住半年醫院，但幾時先可以好番就唔知……」杜太提起丈夫狀況時難掩憂慮神色。阿雄於意外中左手食指軋斷，斷指雖被尋回但無法駁回；頸椎則被撞至移位，盆骨碎裂，肋骨及右大腿骨亦骨折，昨日接受歷時四句鐘的盆骨及大腿骨手術，以確保日後活動能力。

慶生翌日橫禍飛來

杜太坦言，目前最希望丈夫能早日恢復活動能力，「我老公好勤力，一有工開就會去做，所以嗰日知道以後做唔到嘢，佢就好唔開心！」杜太指本周一是丈夫生辰，當日還與家人開懷慶祝，翌日於事發地點附近購買工程所需材料準備工作，詎料飛來橫禍，「個仔之前畀公司裁員，啱啱先搵番份工，諗住啲好運返緊嚟，點知又到老公出事，呢幾日我都瞓唔到。」面對現時困境及日後丈夫復康路漫長，杜太顯得憂心忡忡。

鑑於阿雄傷勢嚴重，家庭經濟亦頓陷困境，東華三院董事局特此致以深切慰問，並即時從「東華三院緊急援助基金」撥出兩萬元，協助杜家渡過難關。（捐款編號︰912252）