兼職老婆：佢12點後唔係我老公

【本報訊】「佢十二點前就係我老公，十二點後就唔係……」旺角發生「兼職老婆」與情郎血鬥街頭，再在急症室哭鬧三小時鬧劇。涉案姓江男子（四十八歲）和姓陳女子（三十七歲）是同居情侶關係，並以夫婦相稱。昨日凌晨一時，兩人在大南街一間食肆飲酒消夜，期間為感情及金錢問題爭執。陳女狂數男友指他未盡「丈夫」責任，令她感受不到做老婆安全感，當江致電通知陳女的女友人前來解圍，陳女更扯火。

狂數男友無出息

陳女疑掌摑男友，江亦起飛腳還擊，混戰中，江被人爆樽扑頭，當場頭破血流，兩人在警員到場前已離開，其後在太子港鐵站被截獲，送廣華醫院治理。候診期間，陳女情緒激動：「你當我老婆定情人！」警員上前干涉，陳女喝稱：「呢度你話事o架！我依家心情唔好，你幾號冧巴，我要投訴你。」

未幾，陳女又哭訴：「佢十二點前就係我老公，十二點後就唔係，我雖然係新移民，讀得書少，佢都唔可以咁蝦我，我阿媽都無咁打過我。」狀甚委屈的陳女，又指男友不爭氣、無出息。警員恐其他病人受滋擾，要求江協助安撫，江與陳女「咬耳仔」後，又惹起對方怒火喝斥：「我唔想同你講，你依家玩嘢，我就同你玩。」兩人在醫院吵鬧近三句鐘，因仍未輪到就診，最終自行簽紙表示不看醫生，被帶返警署調查。