政壇：政商定格：天價蝦蟹簍掀「潮」流
一個有關潮州工藝品嘅展覽本月二十日至二十六日分別喺九龍圓方商場及青衣城舉行，潮州商會青委主任陳光明（Johnny）花咗一年多時間，搜羅十四件潮州工藝精品，總值過千萬元，全部運送來港，展出嘅工藝品包括潮州金漆木雕、刺繡等，唔講唔知，「潮繡」喺古代時只有達官貴人先用得起。
為咗今次潮州工藝精品展，Johnny聯同潮商會長陳幼南及青委副主任胡炎松幾度走訪潮州民間博物館，捐窿捐罅搵精品，展覽焦點係名為「蝦蟹簍」嘅巨型木雕，採用珍貴樹種紅豆杉為原料，色澤典雅大方，價值高達七位數。
珍貴木雕「蝦蟹簍」，身價高達七位數。（受訪者提供）
陳光明（左）與胡炎松（右），將值逾千萬元「潮藝」帶來港展出。