政壇：舊政總空屋納70萬水電
政府總部搬咗去金鐘添馬艦嘅門常開後，舊政府總部西座只剩番四個部門辦公，冷清好多，最近先因候任特首梁振英（CY）辦公室設喺呢度，添咗啲人氣，雖然依家舊政府總部處於半丟空狀態，但原來日常開支仍然不菲。
行政署話，政府總部未搬屋前嘅電費、水費、保安等雜項開支，平均大約一百八十三萬元，但今年頭兩個月嘅平均開支都要接近七十萬元，點解少咁多部門都只係慳咗一半多啲錢呢﹖尋日下晝兩點幾鐘，我哋發現有幾個工人將一批傢俬，經西座皇后大道中嘅西座入口搬上舊政府總部，堆傢俬包括幾張枱同櫈、仲有一張橙紅色嘅大梳化。話說呢批傢俬上面有張紙，寫明啲傢俬屬於行政會議秘書處。睇嚟，雖然西座冷清唔少，但係要加嘅始終冇少。