政壇：魔童氹肥亨拍劇做善事
電訊魔童王維基Ricky近日做咗單大刁，因佢專心做電視大亨，將城市電訊嘅香港同加拿大電訊業務賣晒，難怪商務及經濟發展局前局長馬時亨（Fred）尋日都話佢搖身一變做傳媒大亨，仲氹魔童應捐錢支持相關活動，又話如果Ricky捐100萬，佢就捐10萬喎！Ricky接招後即刻還招，話如果肥亨肯拍番輯《局長生涯》，仲捐晒啲出show費出嚟，佢就一齊捐。
尋日魔童都被傳媒追問佢單大刁，佢話最近嘅「重要決定」係受到哈佛大學哲學教授Michael Sandel寫嘅《正義─一場思辯之旅》啟發。呢本書係探討何為「正義」，財經圈原來好多呢本書嘅捧場客，數碼港主席周文耀尋日都提到呢本書好有啟發性。
王維基（右）呢一刻同馬時亨講咗乜嘢，搞到肥亨側晒目？