政壇：網民叫陳茂波踢走貪曾
放完復活節假後，立法會下星期三正式復會，心水清嘅會計界陳茂波（Paul），尋日特登喺社交網站facebook提醒網友，話當日會就煲呔曾貪盡海陸空嘅不信任動議進行表決，佢仲乘機問網友意見，點知班網友十居其九都叫阿Paul投不信任票。
本報獨家踢爆煲呔曾貪盡富豪海陸空款待，民間對煲呔曾嘅貪行好反感，有網友就話，雖然煲呔曾得番幾個月任期，但點都要投不信任票「以儆效尤」，亦有人話煲呔曾做咁多衰嘢，一定要面對七百萬市民，唔可以就咁走佬，同樣叫阿Paul點都要投不信任票喎。失民心至此，建制派再包庇煲呔曾呢個負資產，小心攞嚟衰！