SUN世代：營商似減肥堅持才會贏

去年七月，二百四十磅的莊小霈做身體檢查，醫生說他血壓高，要吃血壓藥。他卻暗地自想：「四十歲開始食，咪要食足一世藥？」於是，他決心減肥，堅持每個周末去行山。八個月後他減掉四十二磅，重獲健康。「做咩都好，堅持先至會成功！」他不是減肥公司代言人，而是電腦備份軟件公司的行政總裁。事業上，這位強人同樣堅持到底，屢敗屢戰，在生意舞台完美演繹成功方程式。

莊小霈的童年很有趣，每年只可以拿「一次」零用錢。「年頭爹哋就要我交一份財政計劃書，寫低嚟緊一年要用幾多錢，跟住就畀一筆錢我。之後就算唔夠錢用，都唔准問佢拎。」莊小霈因此從小深明理財之道，五歲開始陪父親「傾生意」，更不知不覺對營商產生濃厚興趣。

「做生意可以apply自己嘅諗法，睇吓work唔work。」於是，他讀工商管理、考會計師牌、再到會計師行和跨國公司工作，逐步實踐「生意夢」。在別人眼裏，莊小霈下一步是回巢打理家族生意，結果卻出人意表。「我無諗過﹗反而想靠自己殺出一條血路，做爹哋無做過嘅生意。」於是，他開始了人生第一門生意－食品出口，最後生意觸礁，虧損了二百萬。

兄弟情深 跨界相助

從哪裏跌倒，就從哪裏站起來。失敗沒有打擊莊小霈做生意的雄心，他反而不斷反省和檢討，重新振作。那時，他留意到航空業發展蓬勃，靈機一觸，決意做飛機餐生意。「一班機有咁多人，一人至少一個飛機餐，需求好穩定，所以決定向航空公司提供飛機餐入面嘅蔬菜。」這回，莊小霈不但「回本有餘」，還賺回之前虧蝕的二百萬。其後，他又開設日本餐廳，繼續在飲食業大展拳腳。

○五年，他突然由飲食界挎刀入IT界，緣起於一份兄弟情。「細佬係科學家，我係資本家。」主修電腦科學的弟弟開發了一套電腦備份軟件，成立電腦公司。莊小霈眼見備份軟件產品甚具市場價值，決意助弟弟一臂之力，負責管理電腦公司的財政和市場推廣，兩兄弟拍住上。「細佬一直希望，有日世界每個角落都有人用佢嘅產品，我想幫佢實現夢想。」

營商多年，莊小霈此刻不再只為自己拚搏，背後還有家人和下一代。「如果唔係上一代人將佢哋嘅經驗寫落嚟，我哋呢代都學唔到。我希望可以五十歲退休，讀番個博士，然後教書或者出書，雖然自己唔算成功，但希望將多年累積嘅營商知識，留畀下一代。」莊小霈的成功故事，有待下一代延續下去。

莊小霈小檔案

現職：Ahsay行政總裁

學歷：香港理工大學會計系學士、悉尼大學工商管理碩士

興趣：行山、閱讀