SUN微博:打橫嚟講:乜太回歸,歡樂無窮

梁振英當選特首,真好!愁悶的香港人有福了!

吓!香港人有福?江湖傳聞佢為人又狼又奸,兼有污點證人掃把頭篤佢會害人個喎!

哦!一啲都唔使驚,自由黨周梁話齋,佢要郁友,條隊都好長啦!有排未輪到也!連大仇家亦派定心丸,我等小民只要唔學大陸強國人打尖爭位,幾時輪到我哋吖?振英哥眼尾都唔睄一吓啦!

兼且,振英哥第一日上京面試,就畀溫總上了一堂儒家課,學懂出得嚟「行政治」,就要「正」字行先,將會仲有「仁義禮智信」慢慢過畀佢,豺狼都變羊牯啦!使乜驚!

文首,我說振英哥做咗特首,愁爆的香港人最有福,全因「歡樂」回歸,大家至少會有五年喜洋洋的開心日子過,點解?

自從老董下台,老懵太隨之絕迹江湖,世上,少了洗手洗手洗手的警世洪聲後,大家唔覺人生鬱悶o架咩?無咗老懵太看到成球太空人咁出巡,大家係咪少咗好多娛樂呢?

煲呔老婆除了成個賢嫺淑德嘅白燕羅艷卿咁款,只懂陪老公坐遊艇去掃墓外,就係好正氣咁參觀童子軍營同出席保良局,真悶死狗!噢!振英嫂就唔同囉!未做A1官太,已跟3D鹹片大亨爭天台晒「奀打」;現戴黑超上京,十足十阿燦乜太上身咁,同領導人握完手,開心到唔識閃開,挽住個大手袋好似去祭祖咁!豬到!當政治也娛樂化的今日,有新氣象來了,點會唔歡樂?

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊鬧爆夕陽政府

就係敢爆:樓市復活定係泡沫

讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!

email:sunweibo@opg.com.hk

「就係敢爆」網址tv.on.cc/hot

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓24價走勢、最全面地產新聞及筍盤情報