賭王同四太梁安琪過去經常翩翩起舞，早前保良局舉行晚宴，賭王冇出席，但四太就有囝囝何猷君相伴，數學出色、屢次攞獎嘅猷君原來跳舞亦好拿手，當晚陪媽咪出席晚宴，仲做埋舞伴添，佢嘅身手連家姐超盈都盛讚係舞王。
超盈將猷君同四太當晚起舞嘅相擺上網誌，仲寫道：「爸爸不在，但有舞王君君和媽媽在保良晚宴跳舞，好甜蜜啊！」睇猷君跳舞時一派淡定，何家喺社交界又多一個能手喇。
