政壇:搞搞政:陳智思搞私院 不入政府

新政府組班嘅風吹個不停,前行會成員、亞洲金融集團總裁陳智思(Bernard)一直盛傳會入閣,佢尋日接受電台訪問時就講明,佢間公司對黃竹坑塊私家醫院用地好有興趣,仲自爆嚟緊呢幾日應該會正式入標添!至於入政府一事,佢就話暫時唔會考慮囉。

Bernard坦言,特首選舉令佢見盡風雨,明白依家做事要「超級小心」,Bernard無做立法會保險界代表後,呢幾年專心搞家族生意,而佢嘅家族喺泰國經營私家醫院,佢仲話對黃竹坑嘅私家醫院用地有興趣,為咗留個機會畀自己投地,所以唔諗入政府。

睇佢諗得咁透徹,更深深明白做生意同做公職唔可以兼得,對比依家啲高官,陳智思真係知所進退噃!

不過,Bernard亦無斷自己後路,話投標結果出咗後,如果新政府仍有意搵佢加入嘅話,到時一定會好好考慮喎!

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

設計圖片及對白