政壇：林健鋒：影相咪戴變色鏡
候任特首梁振英（CY）偕同太太唐青儀上京，不過，梁太陪同丈夫接受委任狀嘅衣着畀形象指導狠批，戴嗰副深色鏡片嘅眼鏡仲搞出疑似戴黑超見領導人咁欠莊重質疑。經濟動力立法會議員林健鋒（Jeffrey）話，佢三十年前都戴過遇太陽光會變色嘅眼鏡，但因為有一次變唔切色，搞到影相唔靚，自此佢將副變色眼鏡丟咗，三十年來冇再戴過變色眼鏡。
Jeffrey回憶當年經歷時話，三十年前佢戴過變色眼鏡，有次仲去親戚婚禮添，可惜戴住嘅變色眼鏡影相時竟然變咗深色，自己都唔知，到睇番啲相時，先見到自己好似戴黑超咁見唔到對眼，就係咁由睇到張相嗰一刻開始，佢就決定唔會再戴變色眼鏡。
立法會議員林健鋒