烽火台：淫賤起家淫賤落敗

以宣淫販賤起家的淫賤黎一向貪勝不知輸。最近，台灣傳媒頻爆料，話淫賤黎旗下嘅台灣壹電視去年七月先至攞到牌照，但一直虧蝕，據透露，起碼燒咗四十億新台幣（約十億五千萬港元）。嘩！你估淫賤黎識印銀紙咩！

講真，淫賤黎香港盤生意，淨係份《爽報》都係每月燒緊銀紙，如今兩頭出血，梗內傷喇！所以傳聞話淫賤黎會連同台灣《蘋果日報》及《壹週刊》一齊打包出售，開價約三十九億港元！之不過，價錢雖一味向下調仍然冇人吼！咁又難怪，報道都話壹傳媒近年在台灣得罪唔少政、商界及娛樂圈人士，加上與內地關係亦很緊張，令買家卻步。

事實上，品牌最重要乾淨，否則冇可能流芳百世。淫賤黎在香港就話反中亂港有運行啫，但在台灣就未必，畢竟台灣執法點都公道啲，唔會好似淫審處對同一輯Kelly Brook照片搞出三種標準，特別放生壹淫媒；更不會姑息養淫，壹淫媒百多次觸犯不雅條例，罰極都係一萬幾千，所以話淫賤黎有乜辦法唔敗走台灣！佢惟有搬番來香港——繼續其宣淫犯賤嘅一盤生意！

古希臘哲人赫拉克利特說：一個人的性格就是他的命運，性格與生俱來，伴隨終生，永不可擺脫。淫賤黎靠淫賤起家，也在淫賤下敗落，性格就是命運，又幾有道理！