SUN微博:打橫嚟講:考評局,你講大話!
近十年八載,喺香港,不論何時何地,即使清晨婆仔做晨運、午間路經公廁小解、或晚上Ball場名媛睇肉騷,都聽到異口同聲,狂插香港教育。
十年樹木,百年樹人,一地興盛,全賴該處人才質素。香港教育之得人唾罵,源於一班不顧香港死活的廢柴官僚主政,禍港自肥。
搞到香港教育一團糟的元兇,可以係離岸好遠好遠睇唔到嘅黑手,但直接「持刀傷人」嘅幫兇,就篤坐跟前。
首屆中學文憑試,不知所謂,令港人媽聲四起之際,考評局嘅主席吳克儉與秘書長唐劍時走去電台說,今年約十一萬考生應試,要做到「零事故」係不可能嘅!又話每月接一萬個查詢仍感滿意,咁嘅思維,正好係當年主管教育嘅高官見有老師因工作壓力跳樓後說只死一兩個算得係乜,同樣邏輯,賤格、反智、涼薄冷血。
仲有,現今科技氾濫啦!每次政府搞的公開考試總係聆聽時接收不清的,你班庸官係咪發緊夢呢?
最令人火滾嘅係,上述嗰件主席仲喺大氣電波度講「社會對考卷嘅主流反應相當正面」喎!你盲嘅咩!全港評論只有彈,我未見過一篇唔X你哋的!你聾o架!全港Phone in都鬧爆啦!
正如唐唐話齋,你講大話,你呃人!又或者振英哥說:「請你拿出證據來!」以示有人撐你!你哋有本事就搞次公開討論,睇吓有幾多人滿意你哋!
我依家坐定定,等你哋約埋我一齊傾吓!夠羌嗎?
彭志銘
次文化考古學家,對城中潮語有深入研究,博徵博引,廢官廢人行埋一邊。
歡迎add我facebook一齊鬧爆夕陽政府
就係咁爆:請邊個做政務司司長?
讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!
email:sunweibo@opg.com.hk
「就係咁爆」網址:tv.on.cc/hot