港澳台灣慈善基金會日前舉行新一屆理事會就職禮同愛心之夜晚宴，冧莊做主席嘅好易通老闆錢立祐自爆，兩年前太太曾經嚇佢，話如果佢出嚟做社團負責人，就會同佢離婚，但兩年已過去，太太依然不離不棄喺身邊支持佢做善事。台下賓客聽到呢番真情剖白，莫不拍爛手掌。
當晚台灣幫空群而出，現場仲有一名稀客、台灣前駐港代表鄭安國，佢對香港嘅時事依然好關心，睇好CY上場後嘅台港關係將有良好發展。
鄭安國（中）專程嚟港打氣。左起錢立祐、台北經濟文化辦事處處長朱曦，右起台灣幫僑領王茂林同林添茂。
