區議員不時以「成功爭取XXX」嚟攞分，區議會「票王」、民建聯北區區議員劉國勳近日就因呢件事成話柄，有網民整咗短片，質疑今個月二號喺街見到劉國勳兩塊街板，一塊話爭取到「270Ａ」號巴士線以尖沙咀為總站，另一街板就宣告「373Ａ」號巴士會增班次。網民打去巴士公司求證，回覆話並無此事，於是網民憤言「民建聯靠得住，豬乸曉上樹」。劉國勳承認呢兩件事都係「希望第二季落實」，因為巴士公司仍在安排中，橫額就因字數有限未能交代詳情喎。