政壇：王嘉恩藏兵器全球十大
好多人都有收藏習慣，博愛醫院前總理兼東源大地物流公司老闆王嘉恩（Albert）原來係武癡，由於少時留學加國常被外籍同學蝦，所以佢埋頭學武，仲先後練過柔道、空手道、居合道、伊賀忍術、少林氣功及道家氣功，十多年來，佢仲不斷珍藏中外兵器，搞到近日畀外國雜誌選為「全球十大有趣人物」之一。
Albert話佢十多年前已鍾意收藏兵器，穿梭大小古董店，搜羅日本刀、中國刀，就連飛鏢、鐮刀都唔放過。部分古董刀因出自名家，近年被熱炒，短短五年間，已升值十多萬港元。一本外國雜誌專登派員來港追訪佢，Albert亦好配合，換上唐裝將珍藏寶刀一一演示，搞到外籍攝影師都嘆為觀止。
王嘉恩